Rusiya səfiri: İrana humanitar yardımın çatdırılmasında köməkliyə görə Azərbaycana təşəkkür edirik

Rusiyadan İrana humanitar yardımın çatdırılmasında köməkliyə görə Azərbaycana təşəkkür edirik.

APA xəbər verir ki, bu barədə Rusiya səfiri Mixail Yevdokimov jurnalistlərə açıqlamasında bildirib.

Diplomat hər şeyin gözəl təşkil olunduğunu qeyd edib.

Səfir əlavə edib ki, Rusiyadan göndərilən 13 ton tibbi vasitə bu gün İrana çatdırılacaq.

Qeyd edək ki, Rusiyadan İrana göndərilən humanitar yardımla yüklü təyyarə Lənkəran aeroportuna eniş edib.