Azad edilmiş ərazilərdə balaca kəndlərin birləşdirilməsi fikri dəstəklənib

“Sosial şəbəkələrdə azad olunmuş ərazilərdə insanların özlərinin tikinti aparması məsələsi tez-tez qaldırılır”.

APA xəbər verir ki, bunu parlamentin Regional məsələlər komitəsinin bu keçirilən iclasında deputat Ceyhun Məmmədov deyib.

Deputat bildirib ki, bu gün atılan addımlar çox doğrudur: “Çünki o vaxt balaca kəndlər çox olub. Bu kəndlərin hər birində məktəb tikmək, xəstəxana tikmək olmur. Ona görə də kəndlər birləşdirilərək belə tikilməsi daha məqsədəuyğundur. Mən bunu görüşlərimdə də deyirəm”.