Rusiyadan göndərilən növbəti humanitar yardım Azərbaycan-İran dövlət sərhədindən buraxılış məntəqəsinə daxil olub

Rusiyadan İrana göndərilən üçüncü humanitar yardım karvanı "Cənub-Astara" dövlət sərhədindən buraxılış məntəqəsinə daxil olub.

APA-nın bölgə müxbiri xəbər verir ki, 7 yük avtomobilindən ibarət humanitar yardım karvanında 140 ton qida məhsulları var.

Yük avtomobilləri gömrük yoxlanışından sonra Şimal–Cənub dəhlizi vasitəsilə İran istiqamətinə yola salınacaq.

Qeyd edək ki, ötən gecə 31 vaqondan ibarət 300 tondan artıq humanitar yük qatarı da Astara dəmir yolu sərhəd keçid məntəqəsindən İrana göndərilib.