Hörmüz boğazı bir az da bağlı qalsa neftin qiyməti 150 dollara çata bilər

Hörmüz boğazının daha bir ay bağlanması “Brent” markalı xam neftin qiymətinin 150 dollara qədər yüksəlməsinə səbəb ola bilər.

APA xəbər verir ki, bunu ABŞ-ın “JP Morgan” bankının baş iqtisadçısı Brus Kasman deyib.

"Kanalın daha bir ay bağlı qalması ssenarisi neftin qiymətinin 150 dollara qədər yüksəlməsinə və sənaye istehlakçıları üçün elektrik enerjisi təchizatının pozulmasına səbəb ola bilər", - o deyib.

Qeyd edək ki, martın 30-da Londonun “ICE” birjasında 2026-cı ilin iyun ayı üçün “Brent” markalı xam neftin fyuçerslərinin qiyməti 19 mart 2026-cı ildən bəri ilk dəfə 115 dolları keçib, lakin sonradan 112,78 dollara düşüb.