Ombudsman Aparatının rəhbəri: Bəzi Avropa ölkələri qeyri-tolerantlığa son qoymalıdır

Müasir Avropada din əsasında haqsızlıqların şahidiyik.

APA xəbər verir ki, bunu Omdudsman Aparatının rəhbəri Aydın Səfixanlı Bakıda keçirilən "Müxtəlifliyin qorunması: 2024-cü ildə İslamofobiya ilə mübarizə" mövzusundakı beynəlxalq elmi konfransda panel müzakirəsi zamanı deyib: "Müsəlman qadınların geyim formasına ilişmək artıq adi hal alıb. Bəzi Avropa ölkələri qeyri-tolerantlığa son qoymalıdır".

Aydın Səfixanlı Fransanın beynəlxalq öhdəliklərə riayət etmədiyini ifadə edib: "Beynəlxalq hüquqa görə, silahlı münaqişələrdə qadınlar qorunmalıdır. Amma biz tarixən şahidik ki, azərbaycanlı qadınlar müxtəlif zamanlarda etnik təmizləməyə, soyqırıma məruz qalıb. Bu, islamofobiyanın birbaşa təzahürüdür".