Dövlət Komitəsi digər yaşayış məntəqələrinə köçürülmələrini istəyən köçkünlərlə bağlı məsələyə münasibət bildirib - EKSKLÜZİV

Bir qrup şəxslər var ki, məcburi köçkün düşdüyü yaşayış məntəqəsinə deyil, digər şəhər, yaxud qəsəbəyə köçürülmələrini istəyirlər.

Qaçqınların və Məcburi Köçkünlərin İşləri üzrə Dövlət Komitəsindən APA-nın bununla bağlı sorğusuna cavab olaraq bildirilib ki, Dövlət Komitəsi ərazisi işğaldan azad olunmuş ərazilərdə, Böyük Qayıdışa dair I Dövlət Proqramı çərçivəsində, bərpa edilən və yenidən tikilən yaşayış məntəqələrinə keçmiş məcburi köçkünlərin köçürülməsini aparır.

Bu zaman məcburi köçkünlər yalnız qeydiyyatda olduqları şəhər, rayon, kənd və qəsəbə üzrə daimi yaşayış sahəsi ilə təmin edilirlər.