ASELSAN yeni texnologiyaları “SAHA 2026”da təqdim edəcək

Türkiyənin və Avropanın ən böyük müdafiə, aviasiya və kosmik sənaye klasteri olan SAHA İstanbulda sərgi keçirəcək.

Anadolu Agentliyinin məlumatına görə, “SAHA 2026” sərgisi 5–9 may tarixlərində İstanbul Sərgi Mərkəzində keçiriləcək.

ASELSAN, “ÇELİKKUBBE” komponentləri başda olmaqla, dənizin dərinliklərindən kosmosa qədər müxtəlif sahələrdə hazırladığı milli texnologiyaları beynəlxalq nümayəndə heyətlərinə təqdim edəcək. Bundan başqa, şirkət sərgidə ALP aşağı hündürlük radarı, GÜRZ hibrid hava hücumundan müdafiə sistemi, KORKUT hava müdafiə sistemi, EJDERHA anti-dron sistemi, GÖKBERK mobil lazer silahı və PUHU elektron müharibə sistemi daxil olmaqla bir çox yeni texnologiyanı nümayiş etdirəcək.

Süni intellektin bütün imkanlarını tədqiqat və inkişaf proseslərində tətbiq edən ASELSAN, onlarla innovativ həlli sərgidə təqdim edəcək.