“Mançester Siti” 8-ci dəfə İngiltərə Kubokunu qazanıb

“Mançester Siti” İngiltərə Kubokunun finalında “Çelsi”ni 1:0 hesabı ilə məğlub edib.

APA xəbər verir ki, Londondakı “Uembli” stadionunda keçirilən görüşdə yeganə qolu 72-ci dəqiqədə Antuan Semenyo vurub.

Beləliklə, “Mançester Siti” tarixində 8-ci dəfə İngiltərə Kubokunun qalibi olub. Komanda bu göstəricidə “Çelsi”, “Liverpul” və “Tottenhem”lə eyni pilləyə yüksəlib. Turnirin rekordçuları isə 14 titulla “Arsenal” və 13 kubokla “Mançester Yunayted”dir.