AYİB-in manatla buraxdığı istiqrazlar üzrə kupon ödənişi ediləcək

Avropa Yenidənqurma və İnkişaf Bankının (AYİB) istiqrazları üzrə növbəti kupon ödənişi həyata keçiriləcək.

Bu barədə "APA-Economics"ə Milli Depozit Mərkəzi (MDM) tərəfindən bildirilib. Qeyd edilib ki, 01 iyul 2026-cı il tarixində AYİB-in buraxdığı, dəyişən faizli və AZİR (Banklararası Təminatsız Pul Bazarında İstinad Faiz Dərəcəsi) göstəricisinə indeksləşdirilmiş istiqrazlar üzrə növbəti kupon ödənişi həyata keçiriləcək. Kupon ödənişinin məbləği hər bir istiqraz üzrə 1 643,06 manat təşkil edir.

Qeyd edək ki, dövlət qeydiyyat nömrəsi AZ2001028169 olan, nominal dəyəri 100 min manat təşkil edən istiqrazların yerləşdirilməsi 01 oktyabr 2025-ci il tarixində uğurla başa çatdırılıb.