Kəlbəcərdə 5 gün əvvəl çayda batan azyaşlının meyiti tapılıb - YENİLƏNİB-1

12 iyul tarixində Levçay çayının Kəlbəcər rayonu, Çəpli kəndindən keçən hissəsində batan 2015-ci il təvəllüdlü Yaqub Abutalıbovun meyiti Fövqəladə Hallar Nazirliyinin xilasediciləri tərəfindən tapılaraq aidiyyəti üzrə təhvil verilib.

APA xəbər verir ki, bu barədə FHN-in Mətbuat xidmətinin məlumatında deyilir.

***

16.20

Kəlbəcər rayonunda çayda batan uşağın meyiti tapılıb.

APA-nın Qarabağ bürosunun məlumatına görə, 2015-ci il təvəllüdlü Y.Abutalıbovun meyiti FHN-in dalğıc-xilasediciləri tərəfindən çaya düşdüyü yerdən təxminən 600 metr aralıda aşkarlanıb.

Faktla bağlı araşdırma aparılır.

Elgün Gəncimsoy

***

12 iyul, 21.49

Kəlbəcərdə bədbəxt hadisə baş verib.

APA-nın yerli bürosunun məlumatına görə, hadisə rayonun Çəpli kəndi ərazisində qeydə alınıb.

Belə ki, 2015-ci il təvəllüdlü Z. Abutalıbov çaydan su götürmək istəyərkən çaya düşüb.

Dərhal hadisə yerinə aidiyyəti qurumların əməkdaşları cəlb edilib.

Hazırda yeniyetmənin axtarışları davam etdirilir.

Faktla bağlı araşdırma aparılır.