ABŞ-ın ötən gün İrana zərbəsi nəticəsində 8 nəfər ölüb, 20 nəfər yaralanıb - VİDEO - YENİLƏNİB

İranda ötən gün ABŞ-ın hücumları nəticəsində ölənlərin sayı 8 nəfərə çatıb.

Bu barədə IRNA məlumat yayıb.

Xəsarət alanların sayının isə 20 nəfərə çatdığı bildirilib.

***

05:16

ABŞ-ın İranın Bəndər-Xomeyni şəhərinə endirdiyi zərbələr nəticəsində 7 nəfər ölüb, 9 nəfər yaralanıb.

Bu barədə Fars agentliyi məlumat yayıb.

Məlumata görə, hadisə yerində xilasedicilər və tibb işçiləri yaralılara yardım göstərirlər.

Bəndər-Abbas və Lars şəhərləri arasında nəqliyyatın hərəkəti məhdudiyyətlərlə bərpa olunub. Sürücülərə mümkün qədər bu marşrutdan istifadə etməmək tövsiyə edilib.

01:02 ABŞ-ın İranın Bəndər-Abbas şəhərindəki yaşayış məhəlləsinə endirdiyi zərbə nəticəsində bir nəfər həlak olub, 8 nəfər yaralanıb.

Bu barədə "Tasnim" agentliyi məlumat yayıb.

Məlumata görə, hücum şəhərin Allahu Əkbər təpəsi adlanan yaşayış məhəlləsinə həyata keçirilib.

Yaralılardan 7-si partlayış dalğasının təsirindən xəsarət alıb, bir nəfərdə isə sınıq qeydə alınıb. Hücum nəticəsində bir nəfər həyatını itirib.

"Tasnim", həmçinin ABŞ-ın Bəndər-Abbas və Şiraz şəhərlərini birləşdirən, mühüm nəqliyyat qovşaqlarından hesab olunan körpünü də hədəfə aldığını qeyd edib.