ABŞ Çin mallarına tətbiq olunan rüsumları dəyişməyəcək

ABŞ Çin mallarına tətbiq etdiyi idxal rüsumlarını sərtləşdirməyi planlaşdırmır.

APA xəbər verir ki, bu barədə Ağ Evdə jurnalistlərə açıqlamasında ABŞ Prezidentinin ticarət və istehsal məsələləri üzrə müşaviri Piter Navarro bildirib.

Onun sözlərinə görə, Çinin ABŞ seçkilərinə müdaxiləsi ilə bağlı iddialar tarif siyasəti ilə əlaqəli deyil.

Navarro bildirib ki, problem ABŞ daxilində seçki sisteminin təhlükəsizliyinin təmin olunmaması ilə bağlıdır və bunun məsuliyyəti ölkə daxilində fəaliyyət göstərən şəxslərin üzərinə düşür.