ABŞ İrana növbəti hava zərbələri endirməyə başlayıb

ABŞ Silahlı Qüvvələri İran ərazisinə növbəti hava zərbələri endirməyə başlayıb.

APA xəbər verir ki, bu barədə ABŞ Mərkəzi Komandanlığı (CENTCOM) məlumat yayıb.

Bildirilib ki, əməliyyat ABŞ-ın şərq sahili vaxtı ilə saat 18:00-da (Bakı vaxtı ilə 19 iyul saat 02:00) başlayıb.

Məlumata görə, zərbələrin məqsədi İranın Hörmüz boğazında beynəlxalq ticarət gəmiçiliyinə təhdid yaratmaq imkanlarını zəiflətmək və İslam İnqilabı Keşikçiləri Korpusunu (SEPAH) ötən gecə İordaniyada ABŞ hərbçilərinə qarşı həyata keçirilən hücumlara görə cəzalandırmaqdır.