İspaniya və Fransada meşə yanğınları davam edir, 250 mindən çox insan təxliyə edilib

İspaniya və Fransada geniş əraziləri əhatə edən meşə yanğınları səbəbindən 250 mindən çox insan evlərini tərk etmək məcburiyyətində qalıb.

"The Guardian" nəşrinin məlumatına görə, İspaniyada ölkənin mərkəzi bölgələrindən təxminən 70 min nəfər təxliyə olunub. Fransada isə 197 min nəfər, o cümlədən Bordo şərabçılıq bölgəsinin on minlərlə sakini təhlükəsiz ərazilərə köçürülüb.

İspaniya tarixində ilk dəfə meşə yanğınları səbəbindən ölkə üzrə fövqəladə vəziyyət elan edib. Fransanın daxili işlər naziri Loran Nunes isə baş verənləri ölkənin sülh dövründə üzləşdiyi ən genişmiqyaslı təxliyələrdən biri adlandırıb.

Hər iki ölkədə yüzlərlə yanğınsöndürən uzun sürən isti hava, quraqlıq və güclü küləklərin daha da alovlandırdığı yanğınlarla mübarizə aparır. İspaniyada güclü külək nəticəsində üç böyük yanğın ocağından ikisi birləşərək daha geniş əraziyə yayılıb.