Yevlaxda 16 yaşlı qız zəhərlənərək ölüb - YENİLƏNİB

Respublika Təcili və Təxirəsalınmaz Tibbi Yardım Mərkəzinə Yevlax şəhəri, Salatın Ə. küçəsi ərazisindən çağırış qeydə alınıb.

Bu barədə APA-nın sorğusuna cavab olar TƏBİB-dən məlumat verilib.

Bildirilib ki, çağırış ünvanına təcili tibbi yardım briqadası cəlb olunub.

Təcili tibbi yardım briqadası tərəfindən 1 nəfərin (qadın) həkiməqədər ölüm faktı qeydə alınıb.

***

11:27

Yevlaxda 16 yaşlı qız zəhərlənərək ölüb.

APA-nın Qarabağ bürosu xəbər verir ki, Yevlax şəhər sakini, 2010-cu il təvəllüdlü M.Ə. qida zəhərlənməsi şübhəsi ilə Yevlax Rayon Mərkəzi Xəstəxanasına aparılarkən yolda vəfat edib.

Faktla bağlı araşdırma aparılır.

Ölümün səbəbi təyin olunacaq məhkəmə-tibbi ekspertizasının rəyindən sonra məlum olacaq.