Avropa Parlamenti Ermənistan üçün gömrük rüsumlarının müvəqqəti olaraq ləğvini təsdiqləyib

Avropa Parlamentinin Beynəlxalq Ticarət Komitəsi Ermənistandan Aİ ölkələrinə idxal edilən bir sıra məhsulların gömrük vergisindən müvəqqəti olaraq azad edilməsi ilə bağlı qərarı təsdiqləyib.

“Armenpress”in xəbərinə görə, Avropa Komissiyası tərəfindən irəli sürülən təklifin lehinə 35 nəfər, əleyhinə isə 2 nəfər səs verib, 3 nəfər bitərəf qalıb.

Məlumata görə, gömrük vergisindən müvəqqəti azad edilmə müddəti iki ildir.

Qərar Aİ Şurası tərəfindən təsdiqləndikdən sonra qüvvəyə minəcək.