KİV: Türkiyə ilə ABŞ arasında S-400 sistemləri ilə bağlı irəliləyiş əldə edilib

Türkiyənin Rusiyadan aldığı S-400 hava hücumundan müdafiə sistemlərinin üçüncü ölkəyə satılması ilə bağlı danışıqlarda mühüm irəliləyiş əldə edildiyi bildirilir.

APA-nın Türkiyə bürosunun məlumatına görə, bu barədə “Yeni Akit” qəzeti yazıb.

Məlumata görə, Ankara və Moskva S-400 sistemlərinin üçüncü ölkəyə satılması ilə bağlı razılaşmanın son mərhələsinə çatıb.

Nəşr iddia edir ki, məsələ Türkiyə Prezidenti Rəcəb Tayyib Ərdoğanın Qırğızıstandakı təmasları zamanı həll olunub. S-400 sistemlərinin mümkün alıcısı kimi Birləşmiş Ərəb Əmirliklərinin adı çəkilir.