Bloomberg nəşri fransızların Nigerdəki uran mədənindən mümkün gedişindən danışıb

Fransanın “Orano” şirkəti ölkə hökuməti ilə müqavilənin yenilənməsi ilə bağlı problemlərə görə Nigerdəki İmuraren mədənində uran hasilatı hüququnu itirə bilər.

APA xəbər verir ki, bununla bağlı ötən gün ABŞ-ın məşhur Bloomberg nəşri məlumat yayıb.

Məlmatda bildirilir ki, hazırkı müqavilənin müddəti iyunun 19-da başa çatır. Əvvəllər Niger Fransa nüvə şirkətinin müqaviləni uzatmaq planını rədd etmiş və onun hakimiyyətin gözləntilərinə uyğun gəlmədiyini açıqlamışdı.

"İkinci və son bildiriş iyunun 19-da başa çatır, bundan sonra şirkətin fəaliyyət icazəsi ləğv ediləcək" – deyə Nigerin mədən nazirliyi məktubda bildirib.

Imuraren dünyanın ən böyük uran yataqlarından biridir və ehtiyatları 200 min tondur.