Aİ İranın yeni seçilmiş Prezidenti Məsud Pezeşkianı təbrik edib

Aİ İranın yeni seçilmiş Prezidenti Məsud Pezeşkianı təbrik edib, yeni hökumət ilə əlaqə saxlamağa hazır olduğunu bildirib.

APA xəbər verir ki, bunu Aİ-nin Xarici Fəaliyyət Xidmətinin Xarici İşlər və Təhlükəsizlik Siyasəti üzrə sözçüsü Nabila Massrali bildirib.

“Biz İranda prezident seçkilərinin nəticələrini qeyd edirik və seçilmiş Prezident Məsud Pezeşkianı təbrik edirik. Aİ-nin kritik əlaqə siyasətinə uyğun olaraq yeni hökumətlə əlaqə saxlamağa hazırıq”, - sözçü qeyd edib.