Bakıda FIFA U-15 dünya çempionatının bağlanış mərasimi keçirilib

Bakıda təşkil olunan FIFA U-15 dünya çempionatı və festivalının bağlanış mərasimi keçirilib.

Apasport.az xəbər verir ki, Bakı Kristal Zalında baş tutan tədbirdə bədii proqram da təqdim olunub.

Oktyabrın 24-də start götürən yarışda FIFA-ya üzv 189 ölkənin komandaları iştirak edib. Çempionat çərçivəsində 1000-ə yaxın oyun keçirilib.

Qarşılaşmalar Hövsan Yarış Kompleksində təşkil olunub. Açılış və final mərasimləri isə Bakı Kristal Zalında baş tutub.

A Divizionunun final matçında İspaniya və Çexiya komandaları üz-üzə gəlirlər.

Azərbaycan millisi turniri 84-cü pillədə başa vurub.