Kursk vilayətində Rusiya Qvardiyası T-72 tankını və iki zirehli maşını sıradan çıxarıb - YENİLƏNİB

Rusiya Qvardiyasının əsgərləri Kursk vilayətində Ukrayna Silahlı Qüvvələrinin bir tankını və iki zirehli texnikasını sıradan çıxarıblar.

APA xəbər verir ki, bu barədə TASS-a idarənin mətbuat xidmətindən məlumat verilib.

“Rusiya Qvardiyasının Kursk vilayəti üzrə İdarəsinin SOBR “Kmet” əməkdaşları drondan istifadə edərək hava kəşfiyyatı zamanı Sudjanski rayonunda Ukrayna Silahlı Qüvvələrinin texnikası və şəxsi heyətinin yığıldığını müəyyən ediblər. PUA-dan istifadə edən xüsusi təyinatlılar T-72 tankını, iki “Kozak” zirehli texnikasını vurub və düşmənin 12 şəxsi heyətini məhv ediblər”, - deyə idarədən bildirilib.

Xəbərdə o da bildirilir ki, meşədə Ukrayna Silahlı Qüvvələrinin mövqeləri aşkar edilib, 20-yə yaxın hərbçi məhv edilib.

***

11:15

Rusiya Qvardiyası PUA-nın köməyi ilə Kursk vilayətində T-72 tankını, iki zirehli maşını sıradan çıxarıb və Ukrayna Silahlı Qüvvələrinin 12 əsgərini məhv edib.

APA xəbər verir ki, bu barədə TASS məlumat yayıb.