Dövlət qulluğuna qəbul imtahanında bir nəfərdə xüsusi qurğu aşkarlanıb - FOTO

Dövlət İmtahan Mərkəzi 2024-cü il avqustun 11-də inzibati icraçı vəzifələrə (B növü) aid vəzifə qrupları üzrə dövlət qulluğuna qəbul imtahanı və inzibati rəhbər vəzifələrə aid AB, AC və inzibati icraçı vəzifələrə aid BA, BB qrupları üzrə dövlət qulluğunda fəaliyyətin davam etdirilməsi imtahanı keçirib.

APA DİM-ə istinadən xəbər verir ki, binanın girişində yoxlama zamanı 1 nəfərdə xüsusi ötürücü qurğu (şəkillər fotoqalereyada) aşkar edildiyi üçün imtahandan xaric olunub və araşdırma aparılır.