"Dinamo Kiyev" Çempionlar Liqasının “play-off” mərhələsinə yüksəlib

Ukraynanın "Dinamo" futbol klubu Çempionlar Liqasının III təsnifat mərhələsinin cavab oyununda Şotlandiyanın "Reyncers" klubunu məğlub edib.

APA xəbər verir ki, qarşılaşma avqustun 13-də Qlazqoda baş tutub.

Görüş 2:0 hesabı ilə başa çatıb. İlk qolu 82-ci dəqiqədə Aleksandr Pixalyonok vurub, iki dəqiqə sonra isə Nazar Voloşin fərqlənib.

Xatırladaq ki, Kiyev klubunun “Reyncers”lə əvvəlki oyunu heç-heçə (1:1) ilə başa çatıb. Beləliklə, "Dinamo" turnirin təsnifat mərhələsinin həlledici mərhələsinə yüksəlib.