“Azad edilmiş ərazilərdə seçki üçün bütün lazımi şərait yaradılıb”

İşğaldan azad edilmiş ərazilərdə seçki məntəqələrinin yaradılması prosesi başa çatıb.

“Qafqazinfo” xəbər verir ki, bu barədə Mərkəzi Seçki Komissiyasının sədri Məzahir Pənahov MSK-nın bu gün keçirilən iclasında bildirib.

M.Pənahov qeyd edib ki, ölkə üzrə bütün seçki məntəqələrində qanunauyğun seçkilərin keçirilməsi üçün bütün lazımi şərait yaradılıb.

O bildirib ki, bütün seçki məntəqələri qanuni çərçivədə fəaliyyət göstərir.

Xatırladaq ki, azad edilən əraziləri əhatə edən 9 seçki dairəsində 26 seçki məntəqəsinin yaradılması təxmin edilirdi.

Zaur Mirzə