Ərdoğan İsrailin Somaliləndi tanımasını pisləyib

Türkiyə Prezidenti Rəcəb Tayyib Ərdoğan İsrailin Somaliləndi tanımasını pisləyib.

APA-nın Türkiyə bürosu xəbər verir ki, o, bu barədə İstanbulda Somali Prezidenti Həsən Şeyx Mahmudla görüşdən sonra birgə mətbuat konfransında bildirib.

Onun sözlərinə görə, İsrailin Somaliləndi tanıması qəbuledilməzdir: “Bu cür addımlar regional sülhə, sabitliyə və beynəlxalq hüquqa açıq şəkildə ziddir”.

Ərdoğan qeyd edib ki, Somali Federativ Respublikasının və Somalilənd bölgəsinin gələcəyi ilə bağlı qərarlar bütün somalililərin iradəsini əks etdirən şəkildə verilməlidir: “Somalinin ərazi bütövlüyünü və siyasi birliyini qətiyyətlə dəstəkləməyə davam edəcəcəyik və bu müddət ərzində Somali xalqını dəstəkləyəcəyik”.

Qeyd edək ki, İsrail dekabrın 26-da Somaliləndi rəsmi şəkildə tanıyan ilk ölkə olub.