Konstitusiya Məhkəməsinin sabiq hakimi Rafael Qvaladze vəfat edib

Konstitusiya Məhkəməsinin sabiq hakimi, əməkdar hüquqşünas Rafael Qvaladze vəfat edib.

Bu barədə APA-ya Konstitusiya Məhkəməsinin Mətbuat xidmətindən məlumat verilib.

O, yanvarın 15-də uzun sürən xəstəlikdən sonra dünyasını dəyişib.

Qeyd edək ki, Rafael Sergeyeviç Qvaladze fəaliyyəti dövründə “Əməkdar hüquqşünas” fəxri adına layiq görülüb, “Azərbaycan Respublikası Prezidentinin fəxri diplomu” və 1-ci dərəcəli “Vətənə xidmətə görə” ordeni ilə təltif olunub.