ABŞ Venesuela neftini daşıyan daha bir tankeri ələ keçirib - YENİLƏNİB

"Veronica, Venesueladan neft daşıdığı üçün ABŞ tərəfindən ələ keçirilən sayca altıncı neft tankeri olub".

APA xəbər verir ki, bu barədə ABŞ Cənub Komandanlığının açıqlamasında deyilir.

"Sübh tezdən, Daxili Təhlükəsizlik Nazirliyinin dəstəyi ilə Birgə Tapşırıq Qrupu olan “Southern Spear”ın dəniz piyadaları və dənizçiləri “USS Gerald R. Ford” təyyarədaşıyan gəmisindən hərəkətə keçərək Veronikanı insidentsiz ələ keçirmişlər", - açıqlamada deyilir.

Məlumata görə, Veronika Karib dənizində sanksiyalı gəmilərə qarşı karantin qərarını pozaraq fəaliyyətini davam etdirib.

Veronikanın Qayana bayrağı altında üzdüyü bildirilir.

***

17:57

ABŞ Venesuela ilə əlaqəli daha bir tankeri ələ keçirib.

APA xəbər verir ki, bu barədə iki anonim ABŞ rəsmisi “Reuters” agentliyinə məlumat verib.

Mənbələrin bildirdiyinə görə, hadisə ilə bağlı hələlik əlavə təfərrüatlar açıqlanmayıb.

Qeyd edilib ki, bu, son həftələrdə ələ keçirilmiş və Venesuela neftini daşıyan altıncı neft tankeridir.