BMT: Qəzzada dağıntıların təmizlənməsi 7 ildən çox vaxt apara bilər

Qəzzada 60 milyon tondan çox dağıntı var və onların təmizlənməsi 7 ildən çox vaxt apara bilər.

APA xəbər verir ki, bunu Birləşmiş Millətlər Təşkilatının Layihə Xidmətləri Ofisinin (UNOPS) icraçı direktoru Corc Mureyra de Silva deyib.

Onun sözlərinə görə, İsrail hücumlarından sonra 2 milyona yaxın insan çox ağır humanitar şəraitdə yaşayır, qış və güclü yağışlar vəziyyəti daha da pisləşdirib.

Qəzzada infrastrukturun 80%-dən çoxu dağıdılıb, evlər, məktəblər, xəstəxanalar, su və elektrik sistemləri məhv edilib.

Orta hesabla hər insan 30 ton dağıntı ilə əhatə olunub. Bu dağıntılar həm sağlamlıq üçün təhlükəli maddələr, həm də insan qalıqları ehtiva edir.

BMT-yə görə, Qəzza və İordan çayının qərb sahilində bərpa işləri üçün 53,2 milyard dollar lazım olacaq.