Pakistanda ticarət mərkəzində baş verən yanğın azı 3 nəfərin həyatına son qoyub

Pakistanın Kəraçi şəhərində yerləşən “Gul Plaza” alış-veriş mərkəzində şənbə gecəsi böyük yanğın baş verib, nəticədə azı 3 nəfər ölüb, 7 nəfər yaralanıb.

APA xəbər verir ki, ilkin məlumatlara görə, yanğın bir dükanda baş vermiş qısaqapanma səbəbilə başlayıb və bütün mərkəzə yayılıb.

Yanğınsöndürənlər və xilasedicilər birlikdə insanları təxliyə edərək əraziyə nəzarəti təmin edib.

Hüquq mühafizə orqanları hadisə ilə bağlı araşdırma aparır.