Hələb aeroportu fəaliyyətini bərpa edəcək

Hələb Beynəlxalq Hava Limanı yanvarın 20-də fəaliyyətini bərpa edəcək.

APA-nın xəbərinə görə, bu barədə Suriya Mülki Aviasiya İdarəsi məlumat yayıb.

Qeyd edək ki, Hələb Beynəlxalq Hava Limanı yanvarın 7-dən fəaliyyətini dayandırıb.

Xatırladaq ki, yanvarın 6-da YPG/SDQ silahlıları Hələbdə Suriya Ordusunun mövqelərinə hücum edib. Yanvarın 7-də Suriya Ordusu Hələbdə iki məhəllədə YPG/SDQ-yə qarşı əməliyyata başlayıb.