Ermənistanda mikroavtobusun iştirakı ilə qəza olub, 14 nəfər xəsarət alıb

Ermənistanda 14 nəfərin xəsarət alması ilə nəticələnən yol qəzası baş verib.

APA xəbər verir ki, bu barədə "Shamshyan.com" məlumat yayıb.

Hadisə Araqatsotn bölgəsində baş verib.

İrəvan-Gümrü yolunda “Opel Astra” və “Mercedes Vito” markalı mikroavtobus toqquşub.

Zərbənin təsirindən mikroavtobus beton divara çırpılıb.

Hadisə nəticəsində uşaqlar da daxil olmaqla 14 nəfər xəstəxanaya yerləşdirilib.