Beş ay əvvəl itkin düşən rusiyalı üzgüçünün meyiti İstanbul boğazında tapılıb

İstanbul boğazında tapılan meyitin rusiyalı üzgüçüyə aid olduğu müəyyən edilib.

APA-nın Türkiyə bürosu xəbər verir ki, bu barədə yerli KİV məlumat yayıb.

Məlumata görə, ilkin tibbi-ekspertiza rəyinə əsasən, İstanbul boğazında tapılan meyit ötən ilin avqust ayında itkin düşən rusiyalı üzgüçü Nikolay Sveçnikova aiddir.

Qeyd edək ki, İstanbul boğazında ötən ilin avqust ayında 81 ölkədən 2 min 820 idmançının iştirakı ilə keçirilən yarışda iştirak edən rusiyalı üzgüçü Nikolay Andreyeviç Sveçnikovun sudan çıxa bilmədiyi məlum olmuşdu. Hadisədən sonra genişmiqyaslı axtarışlara başlanılmışdı.