Ukraynaya raket hücumları nəticəsində 5 nəfər ölüb - YENİLƏNİB-1

Səhər saatlarında Ukraynaya raket hücumları nəticəsində 5 nəfər ölüb.

APA xəbər verir ki, bu barədə UNİAN məlumat yayıb.

40 nəfərin xəsarət aldığı qeyd edilib.

***

10:43

Kiyevdə partlayışlar nəticəsində şəhərin iki rayonunda 9 nəfər xəsarət alıb.

APA xəbər verir ki, bu barədə şəhər meri Vitali Kliçko bildirib.

O, xəsarət alanlardan 8-nin xəstəxanaya yerləşdirildiyini vurğulayıb.

***

09:39

Kiyevdə ard-arda partlayışlar olub, hava hücumundan müdafiə sistemi işə düşüb.

APA TASS-a istinadən xəbər verir ki, bu barədə şəhər administrasiyası bildirib.

"Kiyevdə hava hücumundan müdafiə sistemi fəaliyyət göstərir. Hava hücumu xəbərdarlığı aradan qalxana qədər sığınacaqlarda qalın", - administrasiyanın Telegram kanalında deyilir.

Hazırda bütün Ukrayna ərazisində hava hücumu xəbərdarlığı elan edildiyi vurğulanıb.