Sergey Baburin Rusiya prezidentliyinə namizədliyini geri götürüb

“Rusiya Ümumxalq Birliyi” partiyasının lideri Sergey Baburin namizədliyini geri götürdüyünü və prezident seçkilərində iştirak etməyəcəyini açıqlayıb.

APA-nın Moskva müxbiri xəbər verir ki, Baburin Rusiya Federasiyasının prezident seçkilərində Vladimir Putini dəstəkləməyə çağırıb.

O, bu gün prezident seçkilərində qeydiyyatdan keçmək üçün dəstək verən sənədləri və seçicilərin imzalarını Rusiya Federasiyası Mərkəzi Seçki Komissiyasına təqdim edib.