Lavrov: İrana hücumun nəticələri bütün regionda hiss olunur

Rusiya Yaxın Şərqdəki hərbi əməliyyatlara son qoyulmasına çağırır.

APA-nın Moskva bürosu xəbər verir ki, bunu Rusiya xarici işlər naziri Sergey Lavrov bildirilib.

Onun sözlərinə görə, İrana qarşı əməliyyat səbəbindən ABŞ və İsrailə qarşı sanksiyalar gözlənilmir.

Lavrov Rusiyanın həmişə birtərəfli sanksiyalara qarşı çıxdığını vurğulayıb. O qeyd edib ki, bu, Rusiyanın metodu deyil.

Rusiya XİN başçısı bildirib ki, Yaxın Şərqdə müharibə gedir və İrana hücumun nəticələri bütün regionda hiss olunur.

O, münaqişənin bütün tərəflərini hərbi əməliyyatları dayandırmağa çağırıb.