Ərdoğan İrandan danışıb: Sülh yönümlü diplomatiyamız davam edir

ABŞ və İsrailin İrana qarşı müharibə artıq dördüncü gününə qədəm qoyur.

APA-nın Türkiyə bürosu xəbər verir ki, bu barədə Türkiyə Prezidenti Rəcəb Tayyib Ərdoğan bildirib.

Onun sözlərinə görə, İranda 700-dən çox, İsraildə isə ən azı 9 nəfər ölüb, həlak olan amerikalı əsgərlərin sayı isə 6-ya çatıb.

Ərdoğan Türkiyənin sülh yönümlü diplomatiyasının davam etdiyini vurğulayıb.

“Problemlərin danışıqlar masası arxasında dialoq və danışıqlar yolu ilə məsələlərin ədalətli həlli üçün böyük səy göstəririk”, - o əlavə edib.