İspaniyada piyada körpüsünün uçması nəticəsində 4 nəfər ölüb

İspaniyanın şimalında yerləşən Kantabriya muxtar bölgəsinin Santander şəhərində piyada körpüsünün uçması nəticəsində azı 4 nəfər ölüb.

APA xəbər verir ki, bu barədə Dənizdə təhlükəsizlik və xilasetmə xidməti "X" sosial şəbəkəsində məlumat yayıb.

Qeyd olunub ki, hadisə nəticəsində daha iki nəfər itkin düşmüş hesab olunur və onların axtarışları davam etdirilir.

"EFE" agentliyinin məlumatına görə, körpü üzərindən yeddi nəfərlik gənclər qrupu keçərkən qəfil uçub və onlar dənizə düşüblər.