Paşinyan Tbilisidə Kobaxidze ilə görüşüb

Ermənistan Baş naziri Nikol Paşinyan Tbilisidə Gürcüstan Baş naziri İrakli Kobaxidze ilə görüşüb.

APA xəbər verir ki, bu barədə Ermənistan Baş nazirinin ofisi məlumat yayıb.

Ermənistan və Gürcüstan liderləri ikitərəfli strateji münasibətlərin gündəliyi ilə bağlı geniş məsələləri müzakirə ediblər.

Ticarət-iqtisadi əməkdaşlığın ardıcıl inkişafı və genişlənməsi vurğulanıb.

Baş nazirlər regional əhəmiyyətli bir sıra məsələlər barədə də fikir mübadiləsi aparıblar. Bölgədə sülhün və sabitliyin təmin edilməsinə yönəlmiş addımların davam etdirilməsinin vacibliyi vurğulanıb.

Qeyd edək ki, Nikol Paşinyan 3-4 mart tarixlərində Gürcüstanda işgüzar səfərdədir.