İranda Buşehr AES-in ərazisi raket atəşinə məruz qalıb

İsrail və ABŞ İranın cənub-qərbindəki Buşehr Atom Elektrik Stansiyası yaxınlığına zərbə endirib.

APA xəbər verir ki, bu barədə İranın Atom Enerjisi Təşkilatı (AEOI) məlumat yayıb.

Məlumata görə, zərbələr nəticəsində stansiyaya heç bir ziyan dəyməyib, insan tələfatı qeydə alınmayıb.

Təşkilat mərminin Atom Elektrik Stansiyasının ərazisinə düşdüyünü açıqlayıb. İlkin məlumata görə heç bir texniki nasazlıq qeydə alınmayıb.