Körfəz ölkələri ABŞ-İran danışıqlarında iştirak etmək istəyir

Körfəz Əməkdaşlıq Şurasına üzv ölkələr ABŞ və İran arasında aparılacaq istənilən danışıqlar prosesində iştirak etməlidir.

AFP-nin xəbərinə görə, bunu KƏŞ-in Baş katibi Casim Məhəmməd əl-Budeyvi deyib.

“Biz Körfəz Əməkdaşlıq Şurası ölkələrinin istənilən danışıqlarda və ya razılaşmada iştirakının vacibliyini vurğulayırıq”, - əl-Budeyvi qeyd edib.

O əlavə edib ki, İran Hörmüz boğazından keçən gəmilərdən pul tələb edir.