Ərdoğan: Türkiyə Avropa İttifaqına tam üzvlük hədəfini qoruyur

Türkiyə Avropanın ayrılmaz parçasıdır.

APA-nın Türkiyəyə ezam olunmuş əməkdaşı xəbər verir ki, bunu Türkiyə Prezidenti Rəcəb Tayyib Ərdoğan V Antalya Diplomatiya Forumunun açılışında bildirib.

“Türkiyə Avropanın ayrılmaz parçasıdır. Bu gün üzləşdiyimiz ortaq çağırışlar Avropa ilə tərəfdaşlığımızın strateji əhəmiyyətini bir daha ortaya qoyub”, – Türkiyə Prezidenti qeyd edib.

Ərdoğanın sözlərinə görə, Türkiyə Avropa İttifaqına tam üzvlük hədəfini qoruyur.