Bolqarıstanda səsvermə keçirilir, sabiq prezidenti dəstəkləyənlərin sayı artıb - YENİLƏNİB

Bolqarıstan vətəndaşları bazar günü son beş ildə keçirilən səkkizinci parlament seçkilərində səsverməyə qatılıblar.

Reuters-in məlumatına görə, sorğulara görə, ən irəlidə Rusiyaya yaxın mövqeyi ilə tanınan keçmiş prezident Rumen Radevdir.

Qeyd edək ki, keçmiş hərbi pilot olan Radev Ukraynanın Moskvaya qarşı müharibəsində hərbi dəstəyə qarşı çıxır. O, yanvar ayında prezident vəzifəsindən istefa verərək seçkilərdə iştirak etmək qərarı verib. Bu seçkilər isə dekabr ayında kütləvi etirazların əvvəlki hökuməti istefaya məcbur etməsindən sonra keçirilir.

Güclü sosial media kampaniyası, geniş maliyyə imkanları və sabitlik vədləri Radevin təxminən 6,5 milyon əhalisi olan Balkan ölkəsində dəstəyini artırıb.

Xatırladaq ki, Bolqarıstan Avropa İttifaqı və NATO üzvüdür və yanvar ayında avronu qəbul edib

***

11:00

Bolqarıstan-da 52-ci Xalq Məclisinə (birpalatalı parlament) növbədənkənar deputat seçkiləri keçirilir.

Yerli medianın yaydığı məlumata görə, saat 07:00-da ölkə üzrə 12 mindən çox seçki məntəqəsi açılıb və onların əksəriyyətində səsvermə xüsusi elektron cihazlar vasitəsilə həyata keçiriləcək.

Xaricdə isə 55 ölkədə fəaliyyət göstərəcək 493 seçki məntəqəsi yaradılıb. Xaricdə ilk olaraq səsvermə Yeni Zelandiya-da başlayıb, burada seçki məntəqələri aprelin 18-i axşam saatlarında açılıb.