Rusiya İran üzərindən uçuşlara qoyulan məhdudiyyətləri aradan qaldırıb

Rusiya Hava Nəqliyyatı Federal Agentliyi Birləşmiş Ərəb Əmirliklərinə və İran üzərindən uçuşlara qoyulan məhdudiyyətləri aradan qaldırıb.

APA-nın Moskva bürosu xəbər verir ki, bu barədə Rusiya Nəqliyyat Nazirliyi məlumat yayıb.

“Rosaviasiya Nəqliyyat və Xarici İşlər nazirliklərinin mövqeyini nəzərə alaraq, Rusiya aviaşirkətlərinə BƏƏ-yə və BƏƏ-dən uçuşlar üçün bilet satışlarını dayandırmaq tövsiyələrini ləğv edib”, - nazirliyin açıqlamasında bildirilib.

Həmçinin, qeyd olunub ki, Rusiya aviaşirkətlərinin İran hava məkanı vasitəsilə uçuşlarına qoyulan məhdudiyyətlər də aradan qaldırılıb.