KİV: Almaniya hökuməti Hörmüz boğazına üç gəmi yerləşdirmək niyyətindədir

Almaniya Hörmüz boğazında naviqasiya təhlükəsizliyini təmin etmək məqsədilə beynəlxalq missiyada iştirak etmək üçün üç gəmi göndərə bilər.

Bu barədə “Der Spiegel” jurnalı mənbələrə istinadən məlumat yayıb.

Məlumata görə, Almaniya kansleri Fridrix Merzin rəhbərlik etdiyi Almaniya Milli Təhlükəsizlik Şurası Bundesverin Hörmüz boğazında naviqasiya təhlükəsizliyini təmin etmək üçün beynəlxalq missiyada mümkün iştirakını müzakirə edib.

Məqalədə bildirilir ki, Almaniya hökuməti missiyaya töhfə verməyə hazırdır və bu, xüsusilə mina təmizləyən gəmilərin və kəşfiyyat vasitələrinin təmin edilməsini əhatə edə bilər.