İran Rusiya ilə Buşehr AES-də yeni blokların tikintisi ilə bağlı danışıqlar aparır

İran Rusiya ilə Buşehr Atom Elektrik Stansiyasında yeni blokların tikintisi ilə bağlı təmasdadır.

“Fars”ın xəbərinə görə, bunu İranın Rusiyadakı səfiri Kazem Cəlali deyib.

“Ümidvarıq ki, Buşehr AES-də yeni blokların tikinti prosesi daha sürətlə həyata keçəcək. Rusiya ilə daimi təmasdayıq və rusiyalı mütəxəssislərin bu AES-də öz fəaliyyətlərini icra edə biləcəkləri şəraitin yaranmasına ümid edirik”, - Cəlali bildirib.

Qeyd edək ki, Buşehr AES-in bəzi hissələri ABŞ və İsrailin İrana aviazərbələri nəticəsində zədələnib və rusiyalı mütəxəssislərin əksəriyyəti oradan təxliyə edilib.