Qlobal fond bazarlarında əsas indekslərdə artım müşahidə olunub

Qlobal fond bazarlarında əsas indekslər üzrə müsbət dinamika qeydə alınıb.

“APA-Economics” xəbər verir ki, ABŞ bazarında Dow Jones indeksi 1,62% və ya 790,33 bənd artaraq 49 652,14 bəndə, S&P 500 indeksi 1,02% və ya 73,06 bənd yüksələrək 7 209,01 bəndə, Nasdaq indeksi isə 0,89% və ya 219,07 bənd artaraq 24 892,31 bəndə çatıb. Eyni zamanda, NYSE Composite indeksi 1,73% (393,13 bənd) artaraq 23 144,64 bəndə, S&P/TSX indeksi isə 1,94% (645,94 bənd) yüksələrək 33 964,33 bəndə çatıb.

Avropa bazarlarında da artım davam edib. Belə ki, FTSE 100 indeksi 1,62% və ya 165,71 bənd artaraq 10 378,82 bəndə, DAX indeksi 1,41% və ya 337,82 bənd yüksələrək 24 292,38 bəndə, CAC 40 indeksi isə 0,53% və ya 42,71 bənd artaraq 8 114,84 bəndə yüksəlib. Euro Stoxx 50 indeksi 1,12% (65,03 bənd) artaraq 5 881,51 bəndə, IBEX 35 indeksi isə 0,78% (138,20 bənd) yüksələrək 17 781,00 bəndə çatıb.

Asiya-Sakit okean bazarlarında isə qarışıq dinamika müşahidə olunub. Nikkei 225 indeksi 0,57% (335,17 bənd) artaraq 59 620 bəndə, TOPIX indeksi 0,14% yüksələrək 3 732 bəndə çatıb. Bununla yanaşı, Hang Seng indeksi 1,28% (335,31 bənd) azalaraq 25 776 bəndə, CSI 300 indeksi 0,06% geriləyərək 4 807 bəndə enib. S&P/ASX 200 indeksi isə 0,97% artaraq 8 750 bəndə yüksəlib, MSCI Asia Pacific indeksi 0,51% azalıb.

Analitiklərə görə, bazar iştirakçıları tərəfindən müsbət dinamika əsasən iri texnologiya şirkətlərinin gözləntiləri üstələyən maliyyə nəticələri, ABŞ-da iqtisadi aktivliyin sabit qalması və neft qiymətlərində müşahidə olunan nisbətən sabitləşmə ilə izah olunur. Bununla yanaşı, investorlar pul siyasətinin daha da sərtləşdirilməyəcəyi gözləntilərini qiymətlərə daxil edərək riskli aktivlərə marağı artırıblar.