NATO rəsmisi: Azərbaycanla əməkdaşlığın genişləndirilməsi yollarını müzakirə etmək xoş oldu

“Bu gün Şimali Makedoniyada ATƏT XİN rəhbərlərinin görüşü çərçivəsində Azərbaycan xarici işlər naziri Ceyhun Bayramov ilə regional təhlükəsizlik və NATO-Azərbaycan ikitərəfli əməkdaşlığın genişləndirilməsi yollarını müzakirə etmək xoş oldu”.

APA xəbər verir ki, bunu NATO Baş katibinin Cənubi Qafqaz və Mərkəzi Asiya üzrə xüsusi nümayəndəsi Xavier Kolomina X hesabında bildirib.

“NATO-nun Azərbaycan və Ermənistan arasında münasibətlərin normallaşmasına dəstəyini bir daha təsdiqlədim və sülh danışıqlarının bərpasını təşviq etdim”- Kolomina vurğulayıb.