İsrail ordusu Livanda “Hizbullah”ın yeraltı silah istehsalı obyektini bombalayıb

İsrail Müdafiə Qüvvələri (IDF) gecə saatlarında Livanın Bəqaa bölgəsində “Hizbullah”a məxsus yeraltı silah istehsalı obyektinə zərbə endirib.

APA xəbər verir ki, bu barədə IDF məlumat yayıb.

Məlumata görə, Tire şəhəri ətrafındakı digər “Hizbullah” obyektlərinə də zərbələr endirilib.

IDF qeyd edir ki, mülki şəxslərə zərərin minimuma endirilməsi məqsədilə hücumlardan əvvəl təxliyə xəbərdarlıqları edilib.

Bundan əlavə, əməliyyat zamanı yüksək dəqiqliyə malik sursatlardan və müşahidə vasitələrindən istifadə olunub.