Apreldə çiyələk ixracı 5 dəfə artıb

Bu ilin aprel ayında Azərbaycandan xarici bazarlara 11.1 milyon ABŞ dolları dəyərində çiyələk ixrac edib.

"APA-Economics" bu barədə İqtisadi İslahatların Təhlili və Kommunikasiya Mərkəzinə istinadən xəbər verir.

Dövr ərzində ixrac olunan məhsulun dəyəri ötən ilin aprel ayı ilə müqayisədə 5 dəfə artıb.

Qeyd edək ki, ötən ilin eyni dövründə 2.2 milyon ABŞ dollarlıq çiyələk ixrac edilmişdi.

Xatırladaq ki, cari ilin ilk dörd ayında Azərbaycanın qeyri-neft sektoru üzrə ixracı 2025-ci ilin müvafiq dövrü ilə müqayisədə 13% artaraq 1,1 milyard ABŞ dolları təşkil edib.