Azərbaycana daxil olan sürətli pul köçürmələrinin həcmi açıqlanıb

Bu ilin may ayında Azərbaycanda banklara sürətli pul köçürmə sistemləri vasitəsilə 189.7 milyon manat vəsait daxil olub.

“APA-Economics” bu barədə Azərbaycan Mərkəzi Bankına istinadən xəbər verir.

Hesabat ayında banklardan xaricə göndərilən vəsaitin həcmi isə 39.7 milyon manat təşkil edib.

Xatırladaq ki, 2025-ci ildə Azərbaycanda banklara sürətli pul köçürmə sistemləri vasitəsilə 1 milyard 758.8 milyon manat vəsait daxil olub. Banklardan xaricə göndərilən vəsaitin həcmi isə 490.4 milyon manata bərabər olub.